स्वावलम्बन भनेको के हो ?

  • ग्रामीण विपन्नतम् परिवारलाई नै निर्णयकर्ता र सम्पूर्ण लाभको हिस्सेदार बनाएर अघि बढ्नु स्वावलम्बन कार्यक्रमको विशिष्ठ शैली हो ।
  • गरिबीबाट पार पाउन गरिबीको प्रकृति र श्रोत बुझ्नुपर्छ । यसका लागि लक्षित समुदायको आवश्यकता र क्षमता, उनीहरूको चाहना र समस्यालाई समेटेर लैजानका लागि उनीहरूकै प्रतक्ष्य सहभागिता अपरिहार्य हुन्छ भन्ने स्वावलम्बन कार्यक्रमको धारणा हो ।
  • गरिबीको प्रमुख परिचायक भनेको आफूले आफैँलाई हीन वा कमजोर ठान्ने अवस्था हो, अर्थात गरिबीले नै गरीबीलाई पोस्ने गर्छ । विपन्न वर्गले आफूलाई आफ्नै पछौटे सोंच र संस्कारबाट मुक्ति दिलाउन सक्नुपर्छ भन्ने स्वावलम्बनको मान्यता हो ।
  • विपन्न जनताले आफैमाथि विश्वास गुमाउँदै गरेको बेलामा उनीहरूलाई यो अवस्थाबाट मुक्त पारेर आत्मविश्वास जागृत गराउने कला स्वावलम्बन हो ।
  • विपन्नको घरदैलोमा जाने, उनीहरूसँगै मिलेर बस्ने, उनीहरूबाटै सिक्ने र बुझ्ने, उनीहरूसँगै मिलेर योजना तर्जुमा गर्ने र कार्यान्वयनमा सँगै जुट्ने एकीकृत सोंच नै स्वावलम्बन हो ।